"Ўзэнергоинспекция" ахборот хизмати хабарига кўра, Қашқадарё вилоятининг Ғузор туманида фаолият юритувчи “О. Д.” фермер хўжалигида сув насослари электр тармоғига рухсатсиз улангани аниқланди.

Текширув натижасида маълум бўлишича, фермер хўжалиги томонидан амалга оширилган мазкур ноқонуний ҳаракатлар туфайли электр таъминоти ташкилотига 2 миллиард 477 миллион сўмлик моддий зарар етказилган.

Ҳозирда мазкур ҳолат юзасидан ҳуқуқни муҳофаза қилувчи органлар томонидан терговгача бўлган текширув ишлари олиб борилмоқда.

Н.Зиёдуллаева тайёрлади,

ЎзА