Тепки бу - ҳаво томчи йўли билан тарқалувчи юқумли касаллик бўлиб, бутун оила аъзоларига жуда тезликда юқади.

Энг хавфлиси — кўпчилик уни кеч пайқаб, давони ўзича бошлайди. Бундай ҳолатда эса касаллик нафақат қайталанади, балки асоратлар ҳам юзага келади.

Санэпидқўмита Тошкент шаҳар бошқармаси Яккасарой тумани бўлими врач-иммунологи — Шаҳло Раҳимованинг таъкидлашича, эпидемик паротит (тепки) инсон организмига жиддий зарар етказувчи касалликлардан бири ҳисобланади.

Бу касаллик айниқса, репродуктив саломатлик учун хавфли: ўғил болалар ва эркакларда тухум безларининг яллиғланиши, қизлар ва аёлларда эса тухумдон шикастланиши кузатилади.

Натижада эса бепуштликка олиб келувчи ҳолатлар вужудга келиши эҳтимоли юқори.

“Баъзилар қулоқости безлари шишганда, ирим қилиб, эгиз фарзандли аёллардан “тептириш керак” деб ўйлашади. Бу — мутлақо нотўғри фикр. Бундай вазиятда фақат малакали шифокорга мурожаат қилиш лозим” дейди, врач-эпидемиолог — Шаҳло Раҳимова.  

Ўз вақтида қўйилган ташхис ва тўғри даволаш тепки касаллигини тўлиқ бартараф этилиши, асоратларнинг олдини олиш ҳамда оила аъзоларини ҳимоя қилишнинг энг муҳим гаровидир.

Батафсил:

<iframe width="640" height="480" src="https://www.youtube.com/embed/GJUpbcONIzc?si=2pF7vpaIaFL3Ttt_" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Эшмирзаева, Д.Якубов, У.Тўхтаев, ЎзА