2025 yil 10 oktyabr kuni Vazirlar Mahkamasi huzuridagi Migratsiya agentligi pilot loyihasi doirasida o‘zbekistonlik hamshiralar guruhi Italiyaga ish faoliyatini boshlash uchun yo‘l oldilar.

Mazkur pilot loyiha Italiya bosh vaziri Jorja Meloni xonimning joriy yil may oyida mamlakatimizga rasmiy tashrifi doirasida imzolangan Migratsiya va mobillik to‘g‘risidagi Anglashuv memorandumi ijrosi doirasida amalga oshirilmoqda.

Ushbu tashabbus mehnat migratsiyasi sohasida insonparvar va tizimli yondashuvni joriy etish, tibbiyot sohasi mutaxassislariga Yevropa davlatlarida qonuniy va xavfsiz mehnat faoliyatini ta’minlashni nazarda tutadi.

Kuzatish marosimida Migratsiya agentligi mas’ullari, Italiya Respublikasining O‘zbekistondagi elchixonasi vakillari ishtirok etib, hamshiralarga xalqaro mehnat bozorida omad tiladilar.

<iframe width="650" height="420" src="https://www.youtube.com/embed/MtDR68gsXf0" title="O‘zbekistonlik hamshiralar Italiyaga yuborildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Dildora Do‘smatova, Doniyor Yakubov, Ulug‘bek To‘xtayev (video), O‘zA