2025 йил 10 октябрь куни Вазирлар Маҳкамаси ҳузуридаги Миграция агентлиги пилот лойиҳаси доирасида ўзбекистонлик ҳамширалар гуруҳи Италияга иш фаолиятини бошлаш учун йўл олдилар.

Мазкур пилот лойиҳа Италия бош вазири Жоржа Мелони хонимнинг жорий йил май ойида мамлакатимизга расмий ташрифи доирасида имзоланган Миграция ва мобиллик тўғрисидаги Англашув меморандуми ижроси доирасида амалга оширилмоқда.

Ушбу ташаббус меҳнат миграцияси соҳасида инсонпарвар ва тизимли ёндашувни жорий этиш, тиббиёт соҳаси мутахассисларига Европа давлатларида қонуний ва хавфсиз меҳнат фаолиятини таъминлашни назарда тутади.

Кузатиш маросимида Миграция агентлиги масъуллари, Италия Республикасининг Ўзбекистондаги элчихонаси вакиллари иштирок этиб, ҳамшираларга халқаро меҳнат бозорида омад тиладилар.

<iframe width="650" height="420" src="https://www.youtube.com/embed/MtDR68gsXf0" title="O‘zbekistonlik hamshiralar Italiyaga yuborildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Дилдора Дўсматова, Дониёр Якубов, Улуғбек Тўхтаев (видео), ЎзА