Бош вазир Никол Пашинян ижтимоий тармоқдаги саҳифасида эълон қилган видео лавҳа орқали Арманистонда тинчликка асосланган Тўртинчи Республика тузилишини билдирди:
- Кўпчилик "Бунинг маъноси нима?" деб сўрайди. Гап шундаки, Учинчи республика можаро, тўртинчи республика эса тинчлик мантиғига асосланган. Ҳозиргиси арманлар орзу қилган Ватан бўлади, бошқа юртни излашга ҳожат қолмайди. Янги республикада ҳокимиятнинг эгаси халқ экани аниқ ва инкор этиб бўлмайдиган тарзда белгиланади.
Август ойи бошида Пашинян АҚШ ва Озарбайжон Президентлари Дональд Трамп ва Илҳом Алиев билан Вашингтонда учрашган. Сўнгра Арманистон ва Озарбайжон ташқи ишлар вазирлари икки давлат ўртасида тинчлик ва давлатлараро муносабат ўрнатиш тўғрисидаги битим матнини келишиш тўғрисида декларация қабул қилинган эди. Шунингдек, Ереван Озарбайжонни Арманистон ҳудуди орқали ўзининг Нахчивон мухторияти билан боғлайдиган “Халқаро тинчлик ва фаровонлик учун Трамп йўли”ни яратиш бўйича Қўшма Штатлар ҳамда учинчи томонлар билан ҳамкорлик қилишга келишиб олган.
С.Раҳимов, ЎзА