AQSH vitse-prezidenti Jey Di Vens prezidentlikka navbatdagi nomzod bo‘lishi mumkin, dedi Qo‘shma Shtatlar Davlat kotibi Marko Rubio.

Rubioning so‘zlariga ko‘ra, u Vens bilan yaxshi munosabatlarga ega va bu holat ularning kelajakda samarali hamkorlik qilishlariga muhim omil bo‘ladi.

– Ajoyib jamoamiz bor va barchamiz prezident uchun ishlayapmiz, - deya ta’kidladi Rubio.

Joriy yil may oyi oxirida nufuzli “The Hill” nashri Trampning vorisi bo‘lishi mumkin bo‘lgan yetti nafar nomzod ro‘yxatini e’lon qilgandi. Ushbu ro‘yxatga Trampning to‘ng‘ich o‘g‘li kichik Donald Tramp ham kiritilgan. 

Avvalroq, AQSH yetakchisi Tramp “NBC”  telekanaliga bergan intervyusida uchinchi muddatga saylanishni rejalashtirayotgani haqidagi xabarlarni rad etib, prezidentlik muddati tugagach, Oq uyni tark etishini ma’lum qilgandi.

S.Rahimov, O‘zA