Indoneziyaning Sidoarjo shahridagi maktab-internat qulagani oqibatida halok bo‘lganlar soni 52 kishiga yetdi, deb xabar tarqatdi “Detik” portali.

Diniy maktab-internatning ko‘p qavatli binosi dushanba kuni o‘quvchilar asr namoziga yig‘ilayotgan paytda qulab tushgan.

Qutqaruvchilar Al-Xozini islom maktab-internati vayronalari ostidan yana yetti nafar jasadni olib chiqdi, deb yozdi nashr.

Milliy qidiruv va qutqaruv agentligi amaliyotlari direktori Yudxi Bramantyo barcha qurbonlar vayronalar ostidan olib chiqilganini ma’lum qildi.

S.Rahimov, O‘zA