Ўзбекистон Республикаси Президенти Шавкат Мирзиёев Озарбайжон Республикаси Президенти Илҳом Алиевнинг таклифига биноан амалий ташриф билан ушбу мамлакатга жўнаб кетди.

Давлатимиз раҳбари у ерда Туркий давлатлар ташкилотининг навбатдаги саммити асосий тадбирларида иштирок этади.

Шу ўринда ушбу ташкилот ҳақида икки оғиз сўз юритамиз.  

У, аввало, иқтисодий ўсишга хизмат қилади. Туркий давлатлар ўзаро савдони кўпайтирса, янги бозорлар очилади. Натижада иш ўринлари кўпаяди, маҳсулотлар нархида ижобий ўзгаришлар кузатилади.  

Шунингдек, ўзаро ҳамкорлик ортидан транспорт-логистика тизими яхшиланади. Бу ҳам иқтисод, ҳам маданий алоқалар ўсишида муҳим аҳамиятга эга. Аслида, туркий халқлар бир-бирига яқин. Бу ташкилот эса давлатларни янада яқинлаштирмоқда.

Энг муҳим жиҳатлардан бири сиёсат. Туркий давлатлар ҳамфикр бўлар экан, уларнинг овози дунёда салмоқли кучга айланади.  

<iframe width="640" height="420" src="https://www.youtube.com/embed/Slkiayu-xe4" title="Turkiy davlatlar tashkiloti bizga nima beradi?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Икром АВВАЛБОЕВ,

Ёқубжон МЕЛИБОЕВ, Искандар ИСМАТОВ(видео), ЎзА