Юртимизда турли соҳаларда рақамли технологияларни жорий этиш орқали хизмат кўрсатиш тизими такомиллаштирилмоқда. Натижада шаффофликни таъминлаш ва инсон омилини камайтириш йўналишида амалга оширилаётган ишлар самараси яққол сезилмоқда.

Бу жараёндан темирйўл соҳаси ҳам четда қолмаяпти. «Temiryoʻlkargo» акциядорлик жамиятида ҳам рақамлаштириш жараёнлари изчил амалга оширилмоқда. Жамият фаолиятини янада шаффоф ва очиқ қилиш мақсадида вагонларни фойдаланишга бериш хизмати бўйича методик қўлланма ишлаб чиқилиб, амалиётга татбиқ этилди.  

Ушбу қўлланма орқали мижозлар билан ҳамкорлик жараёнлари соддалаштирилди ва тизимли асосга қўйилди. Энг муҳим янгиликлардан бири сифатида маҳаллий йўналишларда вагонлардан фойдаланиш нархини ҳисоблайдиган махсус онлайн калькулятор ишлаб чиқилди.  

Мазкур хизмат (https://e-nakl.railway.uz/) ягона дарча платформасига жойлаштирилиб, кенг жамоатчилик учун фойдаланиш имконияти яратилди. Бу орқали мижозлар ўзлари қизиққан хизмат нархларини мустақил равишда билишлари мумкин. Ушбу қадам нафақат шаффофликни таъминлайди, балки ортиқча қоғозбозлик ва вақт йўқотишларни ҳам камайтиради.

«Temiryoʻlkargo» АЖ ўз мижозлари учун қулай нархлар, тезкор хизмат кўрсатиш ва ишончли ҳамкорлик каби устуворликларни таклиф қилмоқда. Компаниянинг асосий мақсади – мижозларнинг юкларини белгиланган манзилга ўз вақтида ва хавфсиз етказиб беришдир. Шу боис жамият нафақат маҳаллий, балки халқаро йўналишларда ҳам ишончли шерик сифатида обрў қозонмоқда.

Мижозлар ўзларига қулай бўлган алоқа каналлари орқали «Temiryoʻlkargo» АЖ билан боғланишлари мумкин.

Электрон почта: info@utycargo.uz

Телефон: +998 (55) 515-05-00

«Temiryoʻlkargo» АЖ замонавий ечимлар орқали мижозлар ишончини қозонаётган ва юк ташиш соҳасида янги имкониятлар яратаётган компаниядир.

Реклама ҳуқуқи асосида