Тошкент шаҳрида жойлашган Марказий Осиё халқаро институтида “Марказий Осиё – АҚШ” биринчи таҳлилий марказлари форуми иш бошлади.

Ҳамкорлик форматининг 10 йиллигига бағишланган ушбу тадбир минтақалар ҳамкорлигини янада ривожлантириши, янги ташаббуслар ишлаб чиқишга хизмат қилиши кутиляпти.

Форум доирасида томонлар савдо ва инвестиция кўламини кенгайтириш, инновация ва илғор технологияни амалиётга татбиқ этиш, яшил энергетикани ривожлантириш, муҳим минераллардан оқилона фойдаланиш, маданий-гуманитар алоқаларни мустаҳкамлаш масалаларини муҳокама қилмоқда.

Анжуман Вашингтоннинг етакчи таҳлилий муассасалари — Каспий сиёсати маркази ва "Мерос” жамғармаси, шунингдек Америка-Ўзбекистон савдо палатаси, Америка-Қирғизистон ва Америка-Тожикистон ишбилармонлар кенгашлари кўмагида ташкил этилган.

Форумда АҚШ ва Марказий Осиё мамлакатларидан таҳлилий марказлар, давлат идоралари ҳамда хусусий сектор раҳбарлари ва вакиллари иштирок этмоқда.

<iframe width="798" height="449" src="https://www.youtube.com/embed/kLzungC43jU" title="“Markaziy Osiyo – AQSh” birinchi tahliliy markazlari forumi boshlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё, Нишонбой Абдувоитов (сурат, видео), ЎзА мухбирлари