FOTOREPORTAJ

1 oktyabr - O‘qituvchi va murabbiylar kuni mamlakatimizning barcha hududlarida bo‘lganidek Namanganda ham katta tantanalar bilan munosib shodiyona qilinmoqda. Ustoz-muallimlar, maktabgacha va maktab ta’limi tizimi, oliy ta’lim dargohlarida faoliyat olib borayotgan bir guruh soha xodimlari viloyat madaniyat markaziga taklif etildi.

[gallery-25553]

Viloyat hokimi o‘rinbosari Otabek Bozorov sharafli kasb egalarini, ular timsolida barcha o‘qituvchi va murabbiylarni kasb bayrami bilan muborakbod etib, el-yurt rivoji, yosh avlod kamoli yo‘lidagi ezgu faoliyatda omad va muvaffaqiyatlar tiladi. Ibratli faoliyati bilan e’tibor qozonib kelayotgan bir guruh muallimlar mukofotlar, faxriy yorliqlar bilan taqdirlandilar.

55 nafar pedagogga “Xalq ta’limi a’lochisi”, 14 nafariga “Xalq ta’limi fidoyisi” ko‘krak nishonlari tantanali topshirildi. 

Sharaf timsollarini ulug‘lovchi kuy-qo‘shiqlar, Vatan, istiqlol, obod yurt odimlari tarannumidagi taronalar shodiyonaga yanada tantanavorlik baxsh etdi 

Hotam MAMADALIEV(surat),O‘zA