Авваллари, касаллик тури ва беморнинг ҳолати бўйича ногиронликни қанча муддатга, қайси гуруҳга белгилаш ҳамда реабилитация тадбирларини аниқлаштириш ҳақида ягона стандартлар мавжуд бўлмагани ва тизим рақамлаштирилмагани сабаб ногиронликка доир хулосаларда ва белгилашда хатоликлар мавжуд бўлган.

2025 йил 16 сентябрь куни “Ногиронликни белгилаш тизими рақамлаштирилиши муносабати билан ҳукуматнинг айрим қарорларига ўзгартириш ва қўшимчалар киритиш тўғрисида”ги ҳукумат қарори қабул қилинди.

Унга кўра, эндиликда беморнинг маълумотлари асосида ногиронлик гуруҳи ва муддати, ўзгалар парвариши, тиббий реабилитация ҳамда протез мосламаси ёки реабилитация воситасига муҳтожлигига оид маълумотлар автоматик равишда инсон омилисиз “Ягона миллий ижтимоий ҳимоя” ахборот тизимида шакллантирилади.

Тизим дастлаб Тошкент шаҳри ва Навоий вилоятида, 2025 йил 1 октябрдан республиканинг қолган ҳудудларида ишга туширилади.

ЎзА