ИҚТИБОС

Куни кеча BNY компанияси бош тижорат директори Кэтинка Вальстрём ижтимоий тармоқдаги саҳифасида Нью-Йорк шаҳрида бўлиб ўтган БМТ Бош Ассамблеяси 80-сессияси доирасида Ўзбекистон Президенти Шавкат Мирзиёев билан кечган учрашув ўз жамоаси кейинги фаолиятига сезиларли ижобий таъсир кўрсатишини эътироф этди.

Катинка Вальстром, BNY компанияси бош тижорат директори:

– Нью-Йорк шаҳрида бўлиб ўтган БМТ Бош Ассамблеясида иштирок этган Президент Шавкат Мирзиёев билан юзма-юз учрашиш мен учун чексиз шараф бўлди. Мамлакат капитал бозори ривожини изчил қўллаб-қувватлаётгани, компаниямиз билан шерикликни чуқурлаштириш тарафдори экани бизни қувонтиради. Қарийб 30 йилдан бери Ўзбекистонда фаолият юритиб келаётган BNY мамлакатнинг бугунги кундаги жадал тараққиётини эътироф этади. Биз энди миллий капитал бозорини ривожлантиришга янада кўпроқ ҳисса қўшамиз.

Маълумот ўрнида

BNY АҚШнинг етакчи банк-инвестиция гуруҳларидан бири ҳисобланади. Активларни бошқариш, кастод, қимматли қоғозлар билан ишлаш ҳамда оммавий ва хусусий молиялаштириш йўналишларида хизмат кўрсатади.

<iframe width="560" height="315" src="https://www.youtube.com/embed/84NmhfDGMe8?si=54gnRJr4Ab00rNIS" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдуазиз Хидиров, ЎзА