Куни кеча “Ўзбекистон – БМТ: ёшлар сиёсатида янги уфқлар” мавзусидаги очиқ мулоқот бўлиб ўтди.

Мулоқот Олий Мажлис Қонунчилик палатаси ҳузуридаги Ёшлар парламенти ташаббуси билан ташкил этилди. Тадбирда Қонунчилик палатасининг Фан, таълим, маданият ва спорт масалалари қўмитаси вакиллари, БМТнинг Ўзбекистондаги ваколатхонаси масъуллари, ЎзЛиДЕП партияси вакиллари, Ёшлар парламенти аъзолари ҳамда мамлакатнинг етакчи олий таълим муассасаларида таҳсил олаётган 200 дан ортиқ талаба-ёшлар иштирок этди.   

Шунингдек, ҳудудий студиялар орқали қарийб 5 минг нафар ёшлар онлайн тарзда қўшилди. Ёшлар сиёсати соҳасида фаолият юритаётган экспертлар, илмий тадқиқотчилар ва халқаро ҳамкор ташкилотлар вакиллари ҳам муҳокамаларда қатнашиб, ўз фикр-мулоҳазалари билан ўртоқлашишди.   

Мулоқотда ёшлар сиёсатини янада такомиллаштириш, халқаро ҳамкорликни кучайтириш ва ёшлар ташаббусларини қўллаб-қувватлашга оид масалалар кенг муҳокама қилинди.   

<iframe width="640" height="420" src="https://www.youtube.com/embed/BARbROa5PPo" title="Xalqaro tashabbuslar Yoshlar parlamenti diqqat markazida" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин НУРИДДИНОВ, Дониёр ЯКУБОВ, Улуғбек ТЎХТАЕВ (видео), ЎзА