Потсдам иқлим таъсирини ўрганиш институти (PIK) томонидан олиб борилган изланишларнинг йиллик ҳисоботига кўра, океанларнинг кислоталаниши 2025 йилга келиб жуда муҳим чегарадан ўтган ва аллақачон денгизнинг тирик организмларига зарар етказмоқда.
– Бу ўзгариш биринчи навбатда, қазиб олинадиган ёқилғининг ёниши ва ўрмонларнинг кесилиши ҳамда ердан фойдаланишнинг ўзгариши билан кучаймоқда, -дейилади институт веб-сайтида.
Хусусан, саноат даври бошланганидан бери океанларда сирт қатламнинг “pH” даражаси тахминан 0,1 бирликка камайган, бу ҳолат кислоталикнинг 30-40 фоизга ошишини англатади ва денгиз экотизми учун хавф туғдиради.
Қайд этилишича, тропик маржон рифлари ва Арктика денгиз ҳаёти айниқса, хавф остида. Масалан, “қанотли моллюскалар” деб номланадиган майда денгиз шиллиққурти чиғаноқларида аллақачон шикастланиш аломатлари намоён бўлмоқда.
Ҳисоботда таъкидланишича, океан сувларининг кислоталаниши инсониятнинг хавфсиз фаолият юритиш чегараларини белгиловчи тўққизта “Ер экотизимининг муҳим чегараси”дан еттинчиси бузилган ҳолат бўлди. Фақат иккита чегара сақланиб қолмоқда: озон қатламининг емирилиши ва сайёрага тушадиган аэрозоль юкламаси.
С.Раҳимов, ЎзА