Сўнгги йилларда пластик жарроҳлик ва косметология соҳаларида блефаропластика энг оммабоп йўналишлардан бирига айланди. Бу муолажа орқали юқори ва пастки кўз қовоқларидаги ёшга доир ўзгаришлар, шунингдек, туғма анатомик хусусиятлар эстетик ва функционал жиҳатдан бартараф этилади.

Блефаропластика — бу кўз қовоқларининг шаклини яхшилаш, нигоҳни очиқроқ ва жозибалироқ қилишга хизмат қилувчи эстетик жарроҳлик амалиётидир. Бу нафақат ташқи кўринишни ўзгартиради, балки инсоннинг умумий қиёфаси ва ўзига бўлган ишончига ҳам ижобий таъсир кўрсатади.

Блефаропластика асосан қуйидаги ҳолатларда тавсия этилади:

Қовоқ терисининг бўшашиши ва осилиши;

Марказий Осиё ирқига хос “сангапури” кўз шаклини ўзгартириш истаги;

Кўз ости соҳасида ёғли тўқималар (халтачалар)нинг осилиб қолиши;

Қовоқлардаги шиш ва симметриянинг бузилиши.

Блефаропластик операцияларга бўлган талаб йилдан-йилга ошиб бормоқда. Бу эса жарроҳлик амалиётларига бўлган қизиқишнинг ортиб бораётганидан дарак беради. 

Бугунги суҳбатимизда айнан шу мавзулар — кимлар блефаропластикага мурожаат қилмоқда, айни дамда энг оммабоп операциялар қайсилар, хавфсизлик масалалари, замонавий трендлар ва психологик мотивлар ҳақида тажрибали мутахассис фикрларини тинглаймиз.

Тўлиқ мазкур ҳаволада.

<iframe width="650" height="420" src="https://www.youtube.com/embed/e8Ozm6j33uc" title="Blefaroplastika natijasi nimaga bog`liq?" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Дилдора Дўсматова,

Аброр Содиқов, Анвархўжа Аҳмедов (видео),ЎзА