Тошкент шаҳрида Ер кодексини қайта кўриб чиқишни қўллаб-қувватлаш бўйича янги лойиҳа доирасида бошланғич семинар бўлиб ўтди. Тадбир ФАО ва Ўзбекистон Қишлоқ хўжалиги вазирлиги ҳамкорлигида ўтказилиб, унда давлат идоралари, халқаро ташкилотлар ва экспертлар иштирок этди.

Ер ресурслари мамлакат қишлоқ хўжалиги ва миллий иқтисодиётнинг асосий омили ҳисобланади. Кейинги йилларда ҳукумат ердан фойдаланиш ҳуқуқларини мустаҳкамлаш, бозор механизмларини жорий этиш ва ҳуқуқий базани такомиллаштириш йўналишида изчил ислоҳотларни амалга ошириб келмоқда.

Ўзбекистон Республикасининг расмий сўровига кўра, БМТнинг Озиқ-овқат ва қишлоқ хўжалиги ташкилоти (ФАО) ҳамкорлигида ер ислоҳотларини қўллаб-қувватлашга қаратилган тўрт йўналиш ишлаб чиқилди:

• ердан фойдаланиш ҳуқуқларини тақсимлаш;

• ҳуқуқлар хавфсизлигини таъминлаш;

• ер ҳуқуқлари бозорини ривожлантириш;

• қонунчиликни такомиллаштириш.

Семинарда миллий ва халқаро экспертлар ушбу масалаларни муҳокама қилдилар. Якунда Ўзбекистонда самарали ва шаффоф ер бошқарув тизимини шакллантириш, қишлоқ аҳолиси турмуш даражасини ошириш ҳамда озиқ-овқат хавфсизлигини мустаҳкамлаш борасидаги саъй-ҳаракатлар яна бир бор тасдиқланди.

<iframe width="650" height="420" src="https://www.youtube.com/embed/z-g5v9MV83s" title="O‘zbekistonda Yer kodeksini qayta ko‘rib chiqishga oid yangi loyihaga start berildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ё.Мелибоев (видео), ЎзА