ФОТОРЕПОРТАЖ

Пойтахтимиздаги “ЖАР” спорт-соғломлаштириш мажмуаси стадионида Ўзбекистон Республикасида хизмат кўрсатган ёшлар мураббийи Ахбор Имомхўжаев хотирасига бағишлаб ўтказилаётган анъанавий футбол турнири қизғин паллага кириб боряпти.

Кеча турнирнинг 3-тури бошланди. Унда 3 та учрашув бўлиб ўтди: «Спорт ТВ» – «ЎФА» 6:2, «Марказий сектор» – «ЎФФ» 0:13, «Пахтакор» - «Сулола» 1:1.

[gallery-25416]

Бугун турнирнинг қолган 3 та учрашуви бўлиб ўтиши режалаштирилган эди. Аммо жамоалар илтимосига кўра, «ЎзПФЛ» ҳамда «МОҚ» учрашуви олдиндан ўтказилди. Асосий вақтда жамоалар дуранг (2:2) натижа қайд этди. Пенальтилар сериясида эса олимпия қўмитаси 7:6 ҳисоби билан ғалаба қозонди ва 8 очко билан «Б» гуруҳи етакчисига айланди. Бугун гуруҳнинг қолган 2 та ўйини бўлиб ўтади. «Тонг» - «Sports.uz» ва «Championat.asia» - «Бунёдкор» жамоалари майдонга тушади.

2 октябрь санасида бўлиб ўтадиган финал учрашувида «ЎФФ»нинг рақиби ким бўлиши бугун «Б» гуруҳидаги 3-тур ўйинлари якунига етгач, маълум бўлади.

Муҳаммад АМИН(сурат),ЎзА