Пойтахтимиздаги “Universal Horses Stable” от спорти клубида конкур бўйича “Uzbekistan Global Tour – 2025” мусобақасининг сўнгги, бешинчи босқичи бўлиб ўтди.

Мусобақанинг тўсиқ баландлиги 135 см. бўлган баҳсларида Бекзод Рўзмуҳаммадов биринчи ўринни эгаллаган бўлса, 125 см. баландликдаги тўсиқлардан от сакратишда Ангелина Пастухова “Эрвин” лақабли тулпорида олтин медалга эга чиқди. Абдушукур Собиржонов “Чикаго Лэди” номли отида 110 см. баландликдаги тўсиқлардан муваффақиятли ўтиб, ушбу йўналиш ғолибига айланди.  

Шунингдек, 10-14 ёшли чавандозлар орасида ўтган беллашувларда Севинч Назарова (110 см) ва Лочин Тоҳиржонов (105 см) мусобақада ғалаба қозонди. 90 см. баландликдаги тўсиқлардан от сакратишда Нилуфар Қодировага тенг келадигани топилмади.

Жавоҳир Тошхўжаев,

ЎзА