Хитойнинг Циндао шаҳрида 26-28 сентябрь кунлари дзюдо бўйича Гран-при турнири ташкил этилади. Унда дунёнинг 26 давлатидан жами 205 нафар дзюдочи медаллар ҳамда жаҳон рейтинги учун бериладиган очколар учун баҳс олиб боради.

“Qingdao Grand Prix – 2025” турнирида Ўзбекистон терма жамоасининг икки етакчи дзюдочиси – Шаҳрам Аҳадов ва “Париж-2024” Олимпиадаси совриндори Алишер Юсупов иштирок этади. Терма жамоамизнинг қолган дзюдочилари Чехиянинг Прага шаҳрида 27-28 сентябрь кунлари ўтказиладиган Европа очиқ кубогига йўл олади.

Маълумот ўрнида: Ўзбекистон эркаклар ва аёллар терма жамоалари Словакиянинг Братислава шаҳрида мазкур мусобақалар ва йил охиригача ўтказиладиган халқаро турнирларга тайёргарлик кўрди.

Жавоҳир Тошхўжаев,

ЎзА