Академик эшкак эшиш: терма жамоамиз аъзолари жаҳон чемпионати ярим финалида
Хитойнинг Шанхай шаҳрида академик эшкак эшиш бўйича ўтаётган жаҳон чемпионатининг илк кунида ҳамюртимиз ярим финал йўлланмасига эга чиқди.
Бугун, 22 сентябрь куни 56 та мамлакатнинг 700 нафардан зиёд спортчилари иштирок этаётган жаҳон чемпионатининг М4 дастурида қатнашган ҳамюртларимиз муваффақиятга эришди.
4 нафар эшкак эшувчилардан иборат терма жамоамиз йигитлари саралашда 6:02:37 дақиқа вақт билан ярим финал йўлланмасини қўлга киритди.
Энди Ўзбекистон терма жамоаси аъзолари 24 сентябрь куни финал йўлланмаси учун курашларда иштирок этади.
Жаҳон чемпионати баҳслари 28 сентябрга қадар давом этади.
Т.Рўзиев, ЎзА