Бирлашган Араб Амирликларининг Абу Даби шаҳрида жойлашган "Space 42 Arena" спорт мажмуасида муайтай бўйича ёшлар ва ўсмирлар ўртасида жаҳон чемпионати бўлиб ўтди.

Ушбу жаҳон чемпионатида 100 дан ортиқ давлатлардан келган 1500 нафарга яқин спортчилар иштирок этди. Унда Ўзбекистон делегацияси ҳам 30 нафар спортчи билан қатнашиб, 2 та олтин, 3 та кумуш, 10 та бронза медални қўлга киритди.

Шунингдек, Ўзбекистон муайтай тарихида илк бор парамуайтай бўйича спортчимиз жаҳон чемпионатида иштирок этиб, 1-ўринни эгаллади.

Маълумот ўрнида: муайтайчиларимизни 22-31 октябрь кунлари Манама шаҳри (Баҳрайн)да III-ўсмирлар Осиё ўйинлари ва 7-12 ноябрь кунлари Саудия Арабистонининг Ар-Риёд шаҳрида VI Ислом бирдамлик ўйинлари каби нуфузли мусобақалар кутмоқда.

Жавоҳир Тошхўжаев, ЎзА