O‘zbekiston va Tojikiston o‘rtasidagi qardoshlik va strategik sheriklik munosabatlari barqaror rivojlanib bormoqda. Ayniqsa, energetika sohasidagi hamkorlik ikki davlat uchun ham ustuvor yo‘nalish hisoblanadi.

Shu doirada Toshkent shahrida O‘zbekiston Respublikasi energetika vaziri Jo‘rabek Mirzamahmudov va Tojikiston Respublikasi energetika va suv resurslari vaziri Daler Juma o‘rtasida uchrashuv bo‘lib o‘tdi.

Unda energetika sohasidagi ikki tomonlama hamkorlik masalalari muhokama qilindi.

Xususan, 2025-2026 yillar kuz-qish mavsumida ikki mamlakat energetika tizimlarini muvofiqlashtirish imkoniyatlari atroflicha ko‘rib chiqildi.

Muloqot yakunida tomonlar ikki xalq manfaatlari yo‘lida qardoshlik va strategik munosabatlarni yanada mustahkamlash muhim ahamiyat kasb etishini ta’kidladi.

N.Ziyodullayeva tayyorladi,

O‘zA