Mexiko shahrida yonilg‘i tashuvchi tanker portlashi oqibatida halok bo‘lganlar soni 21 nafarga yetdi, deya xabar berdi mahalliy hukumatga tayanib, "Arab News".

Salkam 50 000 litr yonilg‘i olib ketayotgan yuk mashinasi  sharqiy Istapalapa hududidan o‘tayotganda ag‘darilib, portlab ketgan. ayni payt yigirma yetti kishi shifoxonada davolanmoqda.

To‘qnashuvda yonilg‘i idishi yorilib, benzin sizib chiqqan va chaqmoq hosil qilgan.

Tergovchilar ta’kidlashicha, halokatga haddan tashqari yuqori tezlik sabab bo‘lgan.

Shahar meri Klara Brugada ma’muriyat kelajakdagi fojialarning oldini olish uchun 9,2 million aholiga mo‘ljallangan metropolda yonilg‘i tankerlari harakati tartibga solinishini aytdi.

M.Pirmatova, O‘zA