Самарқандда Халқаро шахмат федерацияси ва Ўзбекистон шахмат федерацияси ҳамкорлигида малакали ҳакамларни тайёрлаш бўйича халқаро семинар машғулотлари ташкил этилди.

2026 йили Самарқандда ўтказиладиган 46-Бутунжаҳон шахмат олимпиадасига самарали тайёргарлик кўриш, мусобақаларни бошқариб бориш ва назорат қилишда маҳаллий шахмат ҳакамлари иштирокини таъминлашга қаратилган бир ҳафталик семинар машғулотларини ФИДЕнинг тажрибали мутахассислари олиб борди.

Мамлакатимизда халқаро тажрибага, билимга эга ҳакамлар сони ва сифатини оширишга қаратилган семинар якунида тест синовларидан муваффақиятли ўтган 30 нафардан ортиқ тингловчиларга махсус сертификатлар топширилди.

Т.Рўзиев, ЎзА