Алишер Навоий номидаги Ўзбекистон Миллий кутубхонасида Оила ва хотин-қизлар қўмитаси ташаббуси билан “Китобхон оналар куни” муносабати ҳамда “Хон атлас ойлиги” доирасида катта маданий-маърифий тадбир – “Алла – оналар қўшиғи” республика онлайн фестивали бўлиб ўтди.

Тадбирда мамлакатимизнинг барча ҳудудларидан мингдан ортиқ хотин-қизлар иштирок этди. Асосий студияда эса давлат ва жамоат ташкилотлари вакиллари, фаол оналар, китобхон аёллар ҳамда ижодкорлар тўпланди.

Миллий кутубхона директори Умида Тешабаева, Жамила Шермуҳаммедова, сўзга чиқиб, аёлнинг оила ва жамиятдаги ўрни, миллий қадриятларни асраб-авайлашда оналар қўшиғининг тарбиявий аҳамияти ҳақида алоҳида таъкидладилар.

Фестиваль давомида “алла”ларнинг беқиёс оҳанглари янгради, иштирокчилар она меҳрини, Ватан ва оила қадриятларини мадҳ этувчи куй-қўшиқлар орқали миллий анъаналаримизни кенг тарғиб этдилар.

Бу каби маърифий лойиҳалар китобхонликни тарғиб қилиш, она меҳрини улуғлаш ва ёш авлодни миллий қадриятларга ҳурмат руҳида тарбиялашга хизмат қилмоқда.

<iframe width="640" height="420" src="https://www.youtube.com/embed/NpvCsTl5dso" title="“Alla – onalar qo‘shig‘i” respublika onlayn festivali o‘tkazildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Улуғбек Тўхтаев (видео), ЎзА