Англиянинг Ливерпуль шаҳрида бокс бойича катталар ўртасидаги жаҳон чемпионатида Ўзбекистон терма жамоаси аъзоси, наманганлик Фазлиддин Эркинбоев 75 килограммгача вазн тоифасида ўтган беллашувларда барча рақибларини енгиб, олтин медални қўлга киритди.

Мусобақанинг сўнгги ҳал қилувчи финал баҳсида Фазлиддин Эркинбоев болгариялик Киван Рамини 5:0 ҳисобида мағлубиятга учратди ва 20 ёшида жаҳон чемпиони бўлди.

Шунингдек, ушбу кунда Навбаҳор Ҳамидова, Абдумалик Халоков, Тўрабек Ҳабибуллаев, Жаҳонгир Зокиров, Асадхўжа Мўйдинхўжаев, Жавоҳир Умматалиев ва Акмалжон Исроилов каби чарм қўлқоп усталаримиз ўз вазн тоифаларида дунё биринчилигининг финал босқичига йўл олди. Ярим финал жангларида мағлуб бўлган Сабина Бобоқулова, Феруза Казакова ҳамда Азиза Зокирова бронза медали билан тақдирланди.

Жавоҳир Тошхўжаев, ЎзА