Қаюм Рамазон – ўзбек педагоги, журналист, театр танқидчиси, тилшунос. Фаолияти давомида Қаюм, Ўктам, Турғунбой қори, Рамазон қори тахаллуслари билан ижод қилган.

Мунавварқорининг янги усул мактаби ҳамда мадрасада, Боку педагогика институтида (1916–17) ўқиган. 1918–21 йилларда ўқитувчилар тайёрлаш курси ва бошланғич мактабларда ўқитувчи. Фитрат билан бирга "Чиғатой гурунги"ни ташкил қилган ва унда котиб бўлиб ишлаган (1919). "Қизил байроқ" ва "Туркистон" газеталарида адабий ходим (1921–23). Фан қўмитаси ҳузуридаги Тил ва адабиёт институтида доцент (1934–37).  

Ўзбек мактаблари учун дастлабки она тили дарсликларини яратган. "Она тили" (Фитрат ва Ш. Раҳимий билан бирга, 1918), "Билим йўллари", "Ёзув йўллари" (1919), 4 китобдан иборат "Ўзбекча тил сабоқлиги" (Мунавварқори ва Ш. Зуннун билан ҳамкорликда, 1925–26), "Ер юзидаги тиллар орасида ўзбек тили" (1930), "Ўзбек тилининг имло қоидалари" (1931), "Ўзбек тилининг бирлашган имло қоидаси" (1934), "Ўзбек тили иш китоби" (Ш. Шамсий билан ҳамкорликда, 1935–36) китоблари муаллифи. "Халқ душмани" сифатида отиб ташланган. 1957 йилда оқланган.

"Жадидлар — миллат қаҳрамонлари" лойиҳасининг бу галги сони Ўзбекистонда миллий истиқлол ҳаракати намояндаларидан бири, ўзбек педагоги, журналист, театр танқидчиси, тилшунос — Қаюм Рамазоннинг ҳаёти ва фаолиятига бағишланади.

<iframe width="650" height="420" src="https://www.youtube.com/embed/0swhmqCDAoQ" title="Jadidlar — millat qahramonlari: Qayum Ramazon " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Аҳмедов Аҳмедов, ЎзА