Лекин Ўзбекистонда бу телефонлар нархи анча юқорироқ бўлади. Нега? Келинг, буни оддий тилда тушунтириб берамиз.

2025-йил 1-майдан бошлаб, божхона қонунчилигида муҳим ўзгариш кучга кирди:

Агар сиз четдан телефон олиб кирмоқчи бўлсангиз, максимал божсиз лимит энди 2 минг доллардан 1 минг долларга туширилди.

Яъни, 1000 доллардан қиммат телефон олиб кирсангиз, ошган сумманинг 30 фоизини божхона тўлови сифатида тўлайсиз.

Бундан ташқари, ҳар бир iPhone ни Ўзбекистонда ишлатиш учун IMEI

-кодини рўйхатдан ўтказиш керак

Агар сиз телефонни яширинча олиб кирсангиз ва божхона декларациясига киритмасангиз, кейинчалик уни рўйхатдан ўтказишда ҳам тўлиқ бож қийматининг 30 фоизини тўлашингизга тўғри келади.

Келинг, энди iPhone 17 нархларига назар ташлаймиз:

iPhone 17 (799 $) – тахминан 10,3 млн сўм

iPhone 17 Про (999 $) – 12,8 млн сўм

iPhone 17 Pro Max (1 199 $) – 16 миллион сўм

Бу фақат четдан олиб кирилса. Расмий дўконларда бу нархлар яна ҳам юқорироқ бўлиши мумкин.

Демак, янги iPhone олиб келмоқчимисиз?

Қонунчиликдаги янги ўзгаришларни ҳисобга олинг, акс ҳолда кутилмаган харажатларга дуч келишингиз мумкин.

<iframe width="650" height="420" src="https://www.youtube.com/embed/IzWPbTRqHas" title="Apple yangi iPhone 17 modellari narxini e’lon qildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Искандар Исматов, ЎзА