“O‘zenergoinspeksiya” Buxoro viloyati hududiy boshqarmasi va gaz ta’minoti korxonasi hamkorligida nazorat tadbiri o‘tkazildi.

Natijada Buxoro shahrida “T.F.T.” MCHJga qarashli oshxonaning gaz hisoblagichiga tashqi ta’sir ko‘rsatilib, tabiiy gazdan noqonuniy foydalanilganligi aniqlandi.

Ushbu qoidabuzarlik natijasida dastlabki hisob-kitoblarga ko‘ra, gaz ta’minoti korxonasiga 540 million so‘mlik zarar yetkazilganligi ma’lum bo‘ldi.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.

Zarif Komilov, O‘zA muxbiri.