DigiTimesning xabar berishicha, yaqin oylar ichida global smartfon bozorida keskin narx oshishi kutilmoqda. Bu o‘zgarishning asosiy sababi — TSMC (Taiwan Semiconductor Manufacturing Company) tomonidan chiplar narxining 5−10% ga oshirilishi bo‘lib, u dunyo bo‘yicha eng yirik yarim o‘tkazgich ishlab chiqaruvchi hisoblanadi.

Narx oshishining asosiy sabablari:

- AQSH bojxona to‘lovlari

- AQSH tomonidan joriy etilgan yangi tariflar Tayvandan eksport qilinadigan texnologik mahsulotlarga bevosita ta’sir ko‘rsatmoqda.

- TSMC hozirda AQSHda, xususan Arizona shtatida katta hajmdagi zavod qurmoqda. Qurilish xarajatlarini qoplash uchun kompaniya chip narxlarini oshirmoqda.

- Tayvan dollarining qadrsizlanishi

Mahalliy valyutaning pasayishi eksportdan tushayotgan foydaning kamayishiga olib keladi — bu ham narxni ko‘tarishga majbur qilmoqda.

Global ta’minot zanjiridagi muammolar Mikrochiplarga bo‘lgan yuqori talab va logistika bilan bog‘liq muammolar umumiy narx siyosatiga bosim o‘tkazmoqda.

TSMC hozirda dunyo chip bozorining 70% ga yaqin qismini egallaydi. 2025 yilning ikkinchi choragida kompaniya 30 milliard dollardan ortiq daromad ko‘rgan. Bu ulkan daromad unga narx siyosatini mustaqil belgilash imkonini beradi.

Kimlar ko‘proq zarar ko‘radi?

- Premium segmentdagi smartfonlar birinchi bo‘lib narx oshishidan zarar ko‘radi:

- iPhone 17 seriyasi — TSMC tomonidan ishlab chiqarilgan Apple chiplaridan foydalanadi.

Samsung Galaxy S26 — Qualcomm ning Snapdragon 8 Elite Gen 2 chipi bilan chiqadi, bu ham TSMC tomonidan ishlab chiqarilgan.

Bu qurilmalar narxining oshishi 2025 yil oxiriga qadar bozorga chiqadigan flagman modellarda aks etishi kutilmoqda.

Bu borada kompaniyalar qanday choralar ko‘rmoqda?

Samsung: agar ichki chip ishlab chiqarishda yutuqlarga erishsa, yana o‘zining Exynos liniyasiga qaytishi mumkin.

Xiaomi va Oppo: o‘z chiplarini ishlab chiqarish bo‘yicha mustaqil loyihalarga sarmoya kiritmoqda.

TSMCning narx siyosatidagi o‘zgarishlari butun smartfon sanoatiga zanjirli ta’sir ko‘rsatmoqda. Foydalanuvchilar esa yaqin kelajakda yangi smartfonlarni sotib olayotganda ancha qimmat narxga duch kelishlari mumkin. Bu esa texnologik kompaniyalarni chiplar borasida ko‘proq mustaqil bo‘lishga va diversifikatsiyaga majbur bo‘lmoqda.

<iframe width="560" height="315" src="https://www.youtube.com/embed/h9lLF7hupLs?si=5FszOQssKlccYLpQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Madinabonu Nasriyeva, Ulug‘bek To‘xtayev, O‘zA