Польша ташқи ишлар вазири Радослав Сикорский АҚШ Давлат котиби Марк Рубиодан мамлакатини G20 тузилмасига таклиф қилишни сўради.

— Польша триллион долларлик иқтисодиётлар клубига киргани муносабати билан, келаси йил G20 гуруҳига раислик қиладиган  Америка Қўшма Штатларидан Польшани ушбу даврага таклиф этишини сўрадим, — дея Сикорскийнинг Рубио билан Майамидаги учрашувдан сўнг билдирган фикрини келтирган РАР агентлиги. — Биз нафақат дунёдаги энг йирик 20 иқтисодиётдан бири, балки сиёсий ва интеллектуал аргумент тақдим этувчи давлат сифатида ҳам бунга ҳақлимиз. Зеро, давлатимиз режали иқтисодиётдан эркин иқтисодиётга муваффақиятли ўтди ва бошқаларга ўрнак бўла олади.

Расмий статистика ҳам 2025 йил Польша иқтисодиёти биринчи марта триллион доллардан ошганини тасдиқлайди.

С.Раҳимов, ЎзА