Мамлакатимиз мезбонлигида ўтаётган футбол бўйича "CAFA Nations Cup" турнирининг "А" гуруҳида иккинчи тур учрашувлари ўз якунига етди.

Пойтахтимиздаги “Жар” стадионида ўтган Қирғиз Республикаси ҳамда Ўмон термалари баҳси 1:2 ҳисобида якунланди.  

Ўзбекистон ва Туркманистон терма жамоалари эса “Олимпия” стадионида иккинч тур учрашувларида рақобатлашди. Учрашувнинг 35 ва 44-дақиқаларида Игорь Сергеев гол уриб, жамоамизни 2:0 ҳисобида олдинга олиб чиқди. Иккинчи бўлимда эса туркманистонлик Дидар Дурдиев пенальтидан унумли фойдаланиб, орадаги фарқни бироз қисқартирди. Шу тариқа, мазкур учрашув 2:1 ҳисобида якунланди. Ўйин якунида Игорь Сергеев учрашувнинг энг яхши ўйинчиси деб топилди.

[gallery-25141]

Натижада Ўзбекистон ва Ўмон терма жамоалари "А" гуруҳида 6 очко жамғариб, 1-2 поғоналарни банд этган бўлса, Туркманистон ва Қирғиз Республикаси термалари 1 очко билан кейинги ўринлардан жой олди.

Энди 5 сентбярь куни "CAFA Nations Cup" турнирининг 3-турида Ўзбекистон – Қирғиз Республикаси, Ўмон – Турманистон терма жамоалари ўртасидаги ўйинга гувоҳ бўламиз. Дарвоқе, Тожикистонда ўтаётган "B" гуруҳидаги сўнгги тур доирасида 4 сентябрь куни Тожикистон – Эрон ва Ҳиндистон – Афғонистон термалари ўзаро рақобатлашади.  

Жавоҳир Тошхўжаев,

ЎзА