Бу ҳақда жамият ахборот хизмати хабар берди. Унда ёзилишича, давлатимиз раҳбарининг 2025 йил 30 январдаги “Ўзбекистон – 2030” стратегиясини “Атроф-муҳитни асраш ва “яшил иқтисодиёт” йилида амалга оширишга оид давлат дастури тўғрисида”ги фармони ижроси доирасида ташкилот босқичма-босқич юқори октанли (АИ-92) автобензин ишлаб чиқаришга ўтмоқда.

Фармонга кўра, сентябрдан бошлаб биржа савдоларига фақат юқори октанли бензин жойлаштирилиши белгиланган. Шунга асосан, “Ўзбекнефтгаз” АЖ 2025 йил 2 сентябрдан бошлаб АИ-80 бензини сотилишини тўхтатди. Ўрнига АИ-92 русумидаги автобензиннинг биржа савдоларидаги ҳажмлари оширилди. 

Агар илгари 1000 тонна АИ-92 бензини биржа савдосига қўйилган бўлса, ҳозирги кунда бу миқдор 1720 тоннага етган. Ички бозор талабидан келиб чиқиб, ҳажмларни янада ошириш имконияти мавжудлиги қайд этилмоқда. 

Шунингдек, жорий август ойида тадбиркор-истеъмолчилар томонидан сотиб олинган АИ-80 бензини сентябрь ойида ҳам мавжуд қолдиқлар ва мажбуриятлар асосида ўз эгаларига етказиб берилади. 

Н.Зиёдуллаева тайёрлади,

ЎзА