SHHT–2025 sammiti arafasida Tyanszin shahrida zamonaviy matbuot markazida Xitoy va dunyoning ko‘plab mamlakatlaridan kelgan 3 ming nafardan ortiq jurnalist yig‘ildi.
Qayd etish lozimki, mazkur xalqaro ko‘rgazma majmuasi 12 800 m² maydonni egallaydi. Hozirda Markazda ommaviy axborot vositalari uchun qulay ish joylari, brifing zallari, dam olish va ovqatlanish zonalari tashkil etilgan.
Matbuot markazi sakkizta funksional zonaga bo‘lingan. Bu yerda radio va televideniye efiri uchun studiyalar, matbuot anjumanlari va onlayn translyatsiya zallari mavjud.
Xorijiy delegatsiyalar uchun tezkor yangiliklar, foto va video olish imkonini beradigan ko‘p tilli veb-sayt (xitoy, rus va ingliz tillarida) ishlaydi. Oshxona bir vaqtning o‘zida 700 nafar kishiga xizmat ko‘rsatishi mumkin.
Shuningdek, Markazda ommaviy axborot vositalari vakillari zaruriyat paydo bo‘lganda to‘lovli tibbiy xizmat ko‘rsatish xizmatidan foydalanishi mumkin.
Muhayyo Toshqorayeva, O‘zA
Xitoy, Tyanszin