Италиянинг Милан шаҳрида пара каноэда эшкак эшиш бўйича давом этаётган жаҳон чемпионати вакилларимиз учун муваффақиятли ўтмоқда.

Дунё биринчилигининг VL3 дастурида финал босқичида иштирок этган ҳамюртимиз Тўрабек Назарқулов, маррага 47.28 сонияда етиб келди ва чемпионатнинг кумуш медали билан тақдирланди. Ушбу йўналишда олтин ва бронза медаллари хитойлик Йи Пу ҳамда бразилиялик Жованна Вейра де Паулага насиб этди.

Маълумот ўрнида: бугун, 24 август куни мусобақанинг сўнгги кунида терма жамоамиз аъзоларидан Иродахон Рустамова (VL2), Шаҳзода Мамадалиева (VL3), Ойбек Йўлдошев ва Азизбек Абдулхабибов (ҳар иккаласи KL2) ҳам Хасан Қўлдашев (KL3) медаллар учун рақобатлашади.

Жавоҳир Тошхўжаев, ЎзА