Joriy yilning 29 avgust- 8 sentyabr kunlari mamlakatimiz poytaxti Toshkent va Tojikiston poytaxti Dushanbe "CAFA Nations Cup-2025" musobaqalariga mezbonlik qiladi.
Kuni kecha terma jamoamiz bosh murabbiyi Timur Kapadze "CAFA Nations Cup-2025" turniri oldidan 26 avgustidan boshlanadigan navbatdagi o‘quv-mashg‘ulot yig‘inlariga jalb etilayotgan kengaytirilgan tarkibni e’lon qildi.
Darvozabonlar: O‘tkir Yusupov ("Fulad", Eron), Botirali Ergashev ("Neftchi"), Abduvohid Ne’matov ("Nasaf"), Vladimir Nazarov ("Paxtakor")
Himoyachilar: Abdulla Abdullayev ("Dibba", BAA), Husniddin Aliqulov ("Rizespor"), Umarbek Eshmurodov ("Nasaf"), Muhammadqodir Hamraliyev ("Paxtakor"), Dilshod Komilov ("Qizilqum"), Abduqodir Husanov ("Manchester Siti", Angliya), Alibek Davronov ("Nasaf"), Avazbek O‘lmasaliyev (OKMK), Sherzod Nasrullayev ("Nasaf"), Farruh Sayfiyev ("Neftchi"), Ibrohimhalil Yo‘ldoshev ("Neftchi"), Hojiakbar Alijonov ("Paxtakor"), Dilshod Saitov ("Paxtakor")
Yarim himoyachilar: Abrorbek Ismoilov ("Neftchi"), Odiljon Hamrobekov ("Traktor", Eron), Otabek Shukurov (klubsiz), Azizjon G‘aniyev ("Al Bataeh", BAA), Abdurauf Bo‘riyev ("Paxtakor"), Diyor Holmatov ("Paxtakor"), Akmal Mozgovoy ("Bani Yas", BAA), Ibrohim Ibragimov ("Paxtakor"), Jamshid Iskanderov ("Neftchi")
Hujumchilar: Oston O‘runov ("Persepolis", Eron), Ruslanbek Jiyanov ("Navbahor"), Aziz Turg‘unboyev ("Paxtakor"), Abbosbek Fayzullayev ("Istanbul Bashakshexir", Turkiya), Hojimat Erkinov ("Paxtakor"), Alisher Odilov ("Neftchi"), Igor Sergeyev ("Paxtakor"), Husayn Norchayev ("Nasaf"), Eldor Shomurodov "Istanbul Bashakshexir", Turkiya).
Aytish lozim, CAFA Nations Cup-2025" o‘yinlarida 8 ta jamoa “A” va “B” guruhlarida ishtirok etadi. “A” guruh o‘yinlari Toshkentda o‘tkazilsa. “B” guruh bahslari Dushanbeda tashkil etiladi.
O‘zbekiston terma jamoasi “A” guruhida Qirg‘iziston, Turkmaniston va O‘mon jamoalari bilan kuch sinashadi.
“B” guruhida Tojikiston, Eron, Afg‘oniston, Hindiston jamoalari joy olgan.
Hamyurlarimiz ilk o‘yinni 30 avgust kuni Toshkentdagi “Bunyodkor” stadionida O‘mon jamoasiga qarshi o‘tkazadi.
T. Ro‘ziyev, O‘zA