Bugungi kunda O‘zbekiston Respublikasida qishloq xo‘jaligi nafaqat aholini oziq-ovqat bilan ta’minlash, balki iqtisodiy o‘sish, eksport salohiyati va mintaqaviy barqarorlikni ta’minlashda hal qiluvchi o‘rin tutadi.

Davlatimiz rahbari qishloq xo‘jaligini strategik tarmoq sifatida belgilab, sohani tubdan isloh qilish, zamonaviy texnologiyalar asosida rivojlantirish, xalqaro bozorda raqobatbardoshlikni ta’minlashga qaratilgan keng qamrovli tashabbuslarni ilgari surmoqda.

Masalan, 30 iyul kuni Prezident Shavkat Mirziyoyev raisligida o‘tkazilgan meva-sabzavot va oziq-ovqat eksportini ko‘paytirish masalalari muhokamasi bo‘yicha videoselektor yig‘ilishi sohadagi yutuqlarni yaqqol namoyon etdi. Ularning biri – joriy yilda O‘zbekistonning BMT Oziq ovqat va qishloq xo‘jaligi tashkiloti – FAO Kengashi a’zoligiga saylangani bo‘ldi. Bir so‘z bilan aytganda, bu agrar sohada olib borilayotgan keng qamrovli islohotlarning xalqaro e’tirofi bo‘ldi.

O‘zA muxbiri FAOning mamlakatimizdagi vakili o‘rinbosari Sherzod UMAROV bilan suhbatlashib, Kengashga a’zolik istiqbollari, shuningdek, sohadagi hamkorlik natijalari xususidagi savollar bilan yuzlandi.

Suhbatni O‘zAning "YouTube"dagi sahifasida tomosha qilishingiz mumkin.

<iframe width="798" height="449" src="https://www.youtube.com/embed/iMDLT3ZKLSE" title="O`zbekistonning qishloq xo`jaligi sohasidagi imkoniyatlari ortmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Behruz Xudoyberdiyev,

Asliddin Alijonov, Anvarxo‘ja Ahmedov (video), O‘zA