Misr poytaxti Qohira shahrida bo‘lib o‘tgan para dzyudo bo‘yicha Gran-pri turniri o‘z nihoyasiga yetdi. Ikki kun davom etgan musobaqada dunyoning 31 ta mamlakatidan 150 nafarga yaqin sportchi ishtirok etdi.

Unda O‘zbekiston para dzyudo terma jamoasi yurtimiz sharafini munosib himoya qildi.

Musobaqaning ikkinchi kuni ham yurtdoshlarimiz uchun muvaffaqiyatli yakunlandi. Jumladan, unda Feruza Ergasheva (+70 kg) kumush, Muhammad Abduqulov (95 kg) va Muharram Abdusamatova (70 kg) bronza medaliga ega chiqdi.

Shu tariqa, O‘zbekiston terma jamoasi 1 ta oltin, 2 ta kumush va 3 ta bronza medali bilan musobaqani umumjamoa hisobida uchinchi o‘rinda yakunladi.

Javohir Toshxo‘jayev,

O‘zA