“Янги Ўзбекистон Олимпия чўққилари” мусобақаларида бадиий гимнастикачилар баҳслашди
Хоразм ва Наманган вилоятларида “Янги Ўзбекистон Олимпия чўққилари” спорт мусобақаларининг бадиий гимнастика тури бўйича навбатдаги босқич беллашувлари якунига етди.
Урганч шаҳридаги замонавий “Ёшлик” спорт мажмуасида ўтган баҳсларда иштирокчиларнинг чиқишлари мухлислар томонидан катта қизиқиш билан кузатилди. Мусобақада Насиба Икромова биринчи ўриндан жой олган бўлса, Нигина Олимова ҳамда Зайнаб Ботирова кучли учликни якунлаб берди.
Наманган вилоятининг энг иқтидорли ёш гимнастикачилари ўртасида ўтган беллашувларда Фарзиа Муҳаммедова, Кумуш Акмалова ҳамда Гулчеҳра Муроджонова шоҳсупага кўтарилди.
Жавоҳир Тошхўжаев,
ЎзА