O‘zbekiston Notarial palatasi va O‘zbekiston Respublikasi Mudofaa vazirligi tomonidan imzolangan memorandum doirasida, “Yuksalish” harakati hamkorligida 18–19 avgust kunlari mamlakat bo‘ylab barcha harbiy qismlarda “Notariuslardan huquqiy bilimlar” aksiyasi tashkil etildi.

79 ta harbiy okrugda 156 nafar notarius va yurist ishtirok etib, harbiy xizmatchilar va ularning oila a’zolariga huquqiy maslahatlar berdi.

Aksiyaning asosiy maqsadi — jamiyatda huquqiy ong va madaniyatni yuksaltirish, aholi huquqiy savodxonligini oshirish hamda notarial xizmatlarning ahamiyatini keng targ‘ib etishdir.

Aytish joizki, mazkur aksiya 2020 yildan buyon an’anaviy ravishda yilda ikki marta o‘tkazib kelinmoqda.

O‘zA