17-21 август кунлари Самарқанд шаҳридаги “Silk Roud Samarkand” туризм марказида ҳарбийлар ўртасида триатлон бўйича йигирма бешинчи жаҳон чемпионати ўтказилмоқда.

Ўзбекистонда илк бор ҳарбийлар иштирокида ташкил этилган чемпионатда 13 давлатдан 120 га яқин спортчилар иштирок этиши кутилмоқда.  

Кеча ва бугун мазкур мусобақада иштирок этиш учун юртимизга келган Қатар, Белгия, Канада, Испания, Франция, Словения, Швейцария, Эрон, Португалия давлатларининг ҳарбий спортчилари Самарқанд халқаро аэропортида Мудофаа вазирлиги масъуллари, чемпионатни ўтказишда бевосита ҳамкорлик қилаётган вазирлик ва идоралар вакиллари томонидан тантанали кутиб олинди.

Эндиликда ушбу мусобақада иштирок этиш учун Қозоғистон, Россия ҳамда Германия давлатларининг ҳарбий спортчилари мамлакатимизга етиб келишади.

Жаҳон чемпионатининг очилиш маросими 18 август куни соат 19:00 да бўлиб ўтади.

Ғ. Ҳасанов, ЎзА мухбири