15 август куни Аляскада АҚШ ва Россия Президентларининг юзма-юз учрашуви бўлиб ўтди. Дональд Трамп ва Владимир Путин Анкориждаги ҳарбий-ҳаво кучлари базасида музокара ўтказди. Ҳар икки томон мулоқот конструктив ва самарали ўтди, деган. Афсуски, DW хабарида Украинадаги урушни тугатиш бўйича аниқ келишувга эришилмаганига урғу берилган.

Трамп ва Путиннинг учрашуви 3 соат давом этди. Сўнгра Президентлар қўшма матбуот анжуманида иштирок этди. Путин, АҚШни “аввало, яқин қўшни” деб атади, шу билан бирга сўнгги йилларда икки мамлакат ўртасидаги муносабат “совуқ урушдан кейинги энг паст даражага тушиб қолгани”ни ҳам таъкидлади. Унинг фикрича, АҚШ-Россия муносабати муаммоси Украина уруши билан боғлиқ.

Трампнинг чиқиши қисқа бўлди: у 4 дақиқадан камроққа мўлжалланган нутқ сўзлади. АҚШ етакчиси музокара жараёнида “сезиларли тараққиётга эришилгани”, шунингдек урушни тинч йўл билан ҳал этиш эҳтимоли борлигини тан олса-да, музокарада аниқ келишувга эришилмаганини қўшимча қилди.

Трамп ва Путин матбуот анжуманида келажакда яна бирга учрашишга умид билдирди. Россия Президенти Москвада учрашув ўтказишни таклиф қилди, Трамп матбуот анжуманидан кейин “Fox News” телеканалига берган интервьюсида учрашув яхши ўтганини айтди. Унинг сўзларига кўра, мулоқотдан сўнг Кремль раҳбари билан алоҳида ва "жуда самимий" гаплашган. Урушни тугатиш бўйича келишувга эришиш энди Украина Президентига боғлиқлигини таъкидлаган. Шунингдек, Зеленскийга Путин билан келишишни маслаҳат берган ва Россияга қарши янги санкция жорий этишни яқин 2-3 ҳафта давомида ўйламасликка ваъда берган.

<iframe width="650" height="420" src="https://www.youtube.com/embed/RxZREI_jZCE" title="Rossiya - Ukraina masalasida kelishuvga erishilmadi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов, ЎзА