Madaniyatimizning poydevori bo‘lgan tarixiy merosimizni tiklash, tahlil qilish faqat ilmiy-nazariy jihatdan katta ahamiyat kasb etib qolmay, ayni vaqtda buyuk allomalarimiz yaratgan ma’naviy xazinadan bahramand bo‘lishda, ijtimoiy-siyosiy muammolarni hal qilishda va insonning har tomonlama kamol topishda muhim omil hisoblanadi. Haqqoniy tarixni bilmasdan turib esa o‘zlikni anglash mumkin emas.

Haqiqatan ham tarix tajribasini o‘rganish — davrimizning murakkab ijtimoiy-siyosiy hodisalarini chuqur idrok etish va tushunib yetishga, ozodligimiz mustaqilligimiz va ravnaqimizni qadrlashga, porloq istiqlol yo‘lida yangi taraqqiyot uchun katta rejalar belgilashga asos bo‘ladi. Nihoyatda boy va rang-barang tariximizni idrok etish — kishining bilim doirasini kengaytiribgina qolmay, shaxs ijtimoiy-ma’naviy ongini yuksak darajaga ko‘tarilishiga imkoniyat yaratadi. Bunday olijanob vazifani bajarishda arxeolog, tarixchi va sharqshunos olimlarning keyingi yillarda amalga oshirgan ajoyib kashfiyotlari alohida o‘rin egallaydi. Binobarin, cheksiz sahrodagi qum uyumlari va taqir yerlar ostida yotgan mungli xarobalar sirini ochish, chang bosib yotgan arxiv xujjatlarini jiddiy tadqiq etib tilga kiritish eng katta ilmiy jasorat ekanligini alohida qayd etish lozim.

"Tarix haqiqatlari" loyihasining bu galgi sonida falsafa fanlari doktori, professor Shahnoza Madayeva bilan tarixiy haqiqatlar, nazariya va hujjatlar o‘rganilib tadqiq etilishi bugungi kun uchun qanchalik muhim ekanligi haqida suhbatlashdik.

<iframe width="640" height="420" src="https://www.youtube.com/embed/gWYVmKXVEiw" title="Ozoda Madayeva: Tarixiy haqiqatlarsiz kelajakni qurib bo‘lmaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Muhayyo Turdaliyeva, Anvarxo‘ja Ahmedov (video), O‘zA