Андижон вилоятининг Хонобод шаҳрида бўлиб ўтаётган “Дунё садолари” III халқаро миллий эстрада санъати фестивали муносабати билан аҳолига қулайлик яратиш мақсадида “Хонобод – Андижон” йўловчи поезди ҳаракати йўлга қўйилди.

Аҳоли ҳамда юртимизнинг турли ҳудудларидан фестивалга келувчи меҳмонларнинг Андижондан Хонобод шаҳрига тез ва хавфсиз бориб -келишини, фестиваль ва фестиваль доирасидаги тадбирларда бевосита қатнашиш имконини яратиш мақсадида 15, 16 ва 17 август кунлари “Андижон” темир йўл вокзалидан “Андижон-Хонобод” йўналиши бўйича қуйидаги рейслар амалга оширилиши белгиланди: 

1- рейс. Кетиш: 07.00 да, қайтиш: 10.00, 16.00 ва 22.00 да.

2- рейс. Кетиш: 13.00,  қайтиш: 16.00, 22.00 да.

3- рейс. Кетиш: 19.00,  қайтиш: 22.00 да.

Аҳоли, санъат мухлислари уч кун давомида ушбу қулайликдан фойдаланиши мумкин.  

Ф. Убайдуллаев, ЎзА мухбири