ФОТОРЕПОРТАЖ
Она Ватанимизнинг барча гўшаларида бўлгани каби, Фарғона вилоятининг шаҳару қишлоқлари ҳам улкан бунёдкорлик марказларига айланмоқда. Аҳоли манзиллари тобора замонавий қиёфа касб этиб, кўркам турар жойлар, муҳташам таълим ва тиббиёт муассасалари, спорт мажмуалари, маданий-маиший бинолар, дам олиш масканлари барпо этилмоқда.
Ижтимоий инфратузилмани яхшилаш, яшилликни кенгайтириш масалалари ҳам алоҳида эътиборда. Янги боғ-роғлар, сўлим хиёбонлар сони кўпайиб, йўллар жаҳон андозалари даражасига келтирилаётгани бунинг исботи. Бунёдкорлик ишларида хусусий қурилиш корхоналари фаол иштирок этаётгани эътирофга лойиқ, албатта.
[gallery-24674]
Айни пайтда кун сайин кўркамлашаётган Фарғона шаҳрида кўп қаватли уй-жойлар қуришда “Капитал ишонч” МЧЖ жамоаси жонбозлик кўрсатмоқда. Уларнинг саъй-ҳаракати ва ғайрати билан аҳоли учун шинам, шаҳарсозлик талабларига тўла мос келадиган, шаҳар кўркига кўрк қўшадиган турар жойлар янада кўпайиб боряпти.
ЎзА фотомухбири
Муқимжон ҚОДИРОВ олган суратлар.