Futbol bo‘yicha O‘zbekiston Superligasining 17-turi doirasida “Qo‘qon-1912” – “Neftchi” va “Nasaf” – “Andijon” jamoalari o‘zaro raqobatlashdi.

Qo‘qon shahridagi “Markaziy” stadionida o‘tkazilgan “Qo‘qon-1912” – “Neftchi” bahsi 1:2 hisobida yakunlandi. Uchrashuvning birinchi bo‘limi 9-daqiqasida raqib himoyasidagi tartibsizlikdan unumli foydalangan mehmonlar vakili Alisher Odilov hisobni ochdi. Ikkinchi bo‘limning 83-daqiqasida Shohrux Gadoyev oradagi farqni yo‘qqa chiqardi. "Neftchi"ning g‘alaba goli Yovan Jokich tomonidan 89-daqiqada kiritildi.

Shuningdek, Qarshida o‘tgan “Nasaf” – “Andijon” jamoalari bahsi 1:1 hisobida o‘z yakuniga yetdi.

Bugun, 8 avgust kuni “Xorazm” – “Surxon”, “Qizilqum” – “Buxoro” va  

“Bunyodkor” – “Sho‘rtan” jamoalari o‘zaro raqobatlashadi.

Javohir Toshxo‘jayev,

O‘zA