"Apple" АҚШ иқтисодиётига аввал эълон қилинган 500 миллиард доллардан ташқари яна 100 миллиард доллар сармоя киритади, деди Президент Дональд Трамп.

Февраль ойида компания тўрт йил давомида мамлакат ривожи учун ярим триллион доллар ажратиш режасини эълон қилганди. Ушбу маблағ ёрдамида Техасда сунъий интеллект учун сервер ишлаб чиқарадиган завод қурилиши ва бутун мамлакат бўйлаб соҳада 20 000 га яқин иш ўрни яратилиши кўзда тутилган.

— Умуман, “Apple” 2029 йилгача йўналтирадиган жами 600 миллиард долларлик сармоя  жамоа тарихида бир мамлакатга берилаётган энг йирик инвестиция, — деди Америка етакчиси Оқ уйда.

Хабарда қўшимча қилинишича, Оқ уйга келган компания раҳбари Тим Кук Президентга совға сифатида 24 каратлик олтин шиша буюмни эсдалик совғаси сифатида топширган.

С.Раҳимов, ЎзА