Navoiy viloyatida joriy yil maktabni bitirib o‘qishga topshirgan abituriyentlarning 71 nafari maksimal ball to‘pladi. Bu o‘tgan o‘quv yilidagi ko‘rsatkichdan 40 taga, ya’ni 77,5 foizga ko‘p.

Ularning 34 nafari Navoiy shahridagi umumta’lim maktablari bitiruvchilari sanaladi. Jumladan, 11-umumta’lim maktabini tamomlagan 148 nafar o‘quvchining 16 nafari davlat imtihonida 189 ball to‘plagan. Shuningdek, shahardagi 17-maktabdan 4 nafar, 16- va 12-maktabdan 3 nafardan, 8- va 19-maktabdan 2 nafardan, 1-, 6-, 7- va 15-maktablardan 1 nafardan bitiruvchi yoshlar ham maksimal ball olishga muyassar bo‘lgan. 

A.Bo‘riyev, O‘zA muxbiri