Қирғизистоннинг Чўлпон-Ота шаҳрида шахмат бўйича 18 ёшгача бўлган ёшлар ўртасида якунланган навбатдаги Марказий Осиё чемпионатида Ўзбекистон терма жамоаси умумжамоа ҳисобида 1-ўринни эгаллади.

8 ёшдан 18 ёшгача бўлган ўсмирлар ва қизлар ўртасида ўтган  чемпионатда 5 давлатдан 425 нафар иқтидорли ёш шахматчилар иштирок этди. Баҳсларда терма жамоамиз аъзолари 9 та турдан иборат ўйинлар сарҳисобига кўра, 6 та олтин, 4 та кумуш ва 6 та бронза, жами 16 та медалга эгалик қилди.

Меҳрибону Назирқулова, Абдуқодир Баҳодиров, Алишер Абдуқаюмов, Темур Шавкатов, Жаҳонгир Дилмуродов, Фазлиддин Фарҳодов сингари шахматчиларимиз ўз ёш тоифаларида ғолиб ва совриндорликка эришди.

Умумжамоа ҳисобида ҳамюртларимиз 6 та олтин, 4 та кумуш ва 6 та бронза медали билан ғолибликни тантана қилган бўлса, кейинги поғоналардан Туркманистон, Қирғизистон, Қозоғистон, Тожикистон вакиллари жой эгаллади.

Т.Рўзиев,

ЎзА